VIDEO
قصيدة ماضي وحاضر
في امل ممكن ننجح
في امل ممكن نعيش
احنا زمن من الماضي
ولا اموات السنين
احنا تراب الحاضر
ولا غبار ميتين
كنا زمان في وادي
شموس نور ساطعين
دمعي فيكي يا بلادي
يروي ارض النيل
جواي حزن في قلبي
مغروز في قلبي سكاكين
راح ماضي وجه حاضر
شفت ملاك بجناحين
لف الكون وراني
نجاحنا وصل لفين
شفت في كل اجدادي
نجوم اسماء ساطعين
اهرام وعجائب بلادي
ياما صنعوا اسطير
انارو عالم في الماضي
ياما أرخوا تماثيل
تاريخ ماضي اجدادي
بالعظمة كانوا مجانين
مين شاف منكم ملاكي
مين زيي عنده حنين
احنا فاهمين الحاضر
ولا في غيبوبة تايهين
كفرنا بعلم امجادي
خرسنا ليه سكتين
احنا لعبة في الايادي
نشحت وليه مديونين
تهنا وضعنا في بلادي
تصنيفنا ليه متخلفين
الفرق كبير يا ولادي
بينا وبين المتقدمين
كلمني واحكي يا ملاكي
عرفنا امتا ناجحين
عرفنا وسيب الماضي
فهمنا امتا جايين
كلمني وتأسف لاجدادي
بلغهم احنا فاشلين
كلمهم وأحكي حاضرنا
حكمونا باسم الدين
أتحكموا في كل حياتنا
حكمونا واحنا غايبين
كرهونا في كل حياتنا
موتونا وأحنا عايشين
سمونا بسواد افكارهم
سمونا بسم ثعابين
والله تفسير كتابة
اختصار يادوب سطرين
تسامح وحب الإله
اختصار اياته حرفين
الله بكل تسامح
عايزنا نعيش بأمان
نزرع بذور محبة
نحسن معني الكلام
تطرح فروع اشجارنا
نحصد بكرة الثمار
تأسف علي حاضرنا
ضاع عمرنا هباء
زرعنا تعصب اعمي
حصدنا كلنا غباء
كل ثمار افعالنا
تتناقض مع عدل الاله
ظلم وكره عمينا
كلنا مكر ودهاء
صوم وصلة عندينا
والاخ يقتل اخوه
علمونا العالم كافر
والاخر عدو الله
علمونا التحضر فاجر
والتخلف طاعة في الله
تهنا عن فهم المعني
نسينا حب السماء
نسينا الشمس بتطلع
علي كل خلق الله
بتشرق فوق المؤمن
وفوق الملحد بالله
والله عرفناه محبة
خلق الانسان للحياة
وربنا بدونا كامل
خالق ارضه وسماه
كرهنا كل العالم
كفرنا بكل الحياة
قالو جدي فرعون
كفر شعب تعبان
موت شعب مسالم
ولا كسر عظام
قالوا عن جدي وثني
بني اهرام اصنام
بني مجد وكرامة
ولا عبد المال
قالوا عن جدي اعمي
قدم للشمس قربان
قدس ظلام هالك
ولا سجد لاصنام
قالو عن جدي ميت
من الاف الاعوام
بعث تماثيل حجارة
ولا تخلد في أذهان
جدي اعظم حضارة
قبل ظهور الأديان
حب ونور وطهارة
وأحنا اعتراف اجرام
جدي اعلي منارة
شمس نور الإنسان
فنه نحت حجارة
وأحنا فوضى وظلام
جدي اكبر مفكر
بعيد عن اي أديان
صانع بدقه متيقن
وأحنا هياكل اصنام
جدي اصل الحضارة
سبورة حجر صوان
معابده فن عمارة
واحنا هدم بنيان
جدي صاحب ضمير
رفع حجر بنيان
انسان ناجح عظيم
وأحنا دعارة نسوان
بلغ جدي إشارة
تحية لاعظم كيان
تحية لاعظم فخامة
تحيه لاصل السلام
بلغ جدي بشارة
قوله رجعنا الايام
قوله قراناه الماضي
قوله عرفنا الكمال
قوله قارنة الحاضر
قوله وزنا الاعمال
قوله وجدنا تاريخكم
تقدم سابق اجيال
وصل جدي تحية
وسلام مني واحترام
تحية لارقي حضارة
تحية لأطهر انسان
بلغ جدي وقلوله
هنيئا ارقد بسلام
تابوت فيه جثمانك
معجزة لاقدم إنسان
جرجس فاروق
2014 / 4 / 17
قصيدة مين مننا ملاك؟
يا نفسي سيبك من الناس
وكفاية فكر وهموم
كل انسان ليه نزوة
في مجتمع محكوم
اي انسان بمعاصي
مهما يكون ما يكون
الغلط النهارده صح
امس كان ممنوع
يا نفسي عيشي وقتك
ليه الضمير محكوم
كتب علينا النفاق
نعيش بالف لون
مجتمع غريب كاذب
فيه الغلط مدفون
يعمل عليك واصي
يجرحك بكلام يقول
يكلمك كلام قاسي
عايزك ملاك تكون
يا نفاق انت مش واصي
انا وانت انسان
بلاش حكم ومواعظ
وانت عملك شيطان
يا قدوة سيبك مني
انا انسان خربان
كنت زمان في سني
عارف عنك اسرار
عارف تاريخ حياتك
كل ماضيك (.....)
وامبارح كنت في سهره
ياشيبه مع مين سهران
متهربشي وتمشي مني
وتقول عندك مشوار
اسمع الكلامي يا معلم
متقطعش تاني الحوار
سمعت ياعم القدوة
مالك شكلك عرقان
اكيد زعلان مني
عشان كشفت الاسرار
اسف ان كنت جرحتك
بعرفك انك غلطان
الفرق بيني وبينك
عمري ما لبست قناع
واضح بشكلي عادي
عمري ما هأدين انسان
بأغلط واعمل معاصي
انا حر ولي اعمال
عارف بنفسي خاطي
هدايتي من الديان
الصح باين والغلط
ولكل انسان خيار
فهمت يا عم الشايب
يالي خربت الديار
حللت وحرمت بمزاجك
وعملت فيها ديان
معروف يا عم المؤمن
كل انسان باخطاء
مفيش انسان كامل
كلنا بشر ضعفاء
خليك انت في نفسك
وبلاش مكر ودهاء
والاول احسن اخلاقك
واحكم ابنك بهاء
وتذكر دايما يا قدوة
اي انسان باخطاء
جرجس فاروق
2014 / 2 / 21
قصيدة فجر الأمل
يا شمس الحرية اشرقي
نوري كل بلادي
انشري شمسك بقوة
اشرقي علي الاراضي
نوري سماء وطني
اشرقي علي حياتي
ارفعي علمنا شامح
عززي كل ترابي
اردمي ارض البور
ازرعي حب وسلام
اشرقي علي البذور
ازرعي ارضنا بستان
فتحي اجمل زهور
جملي حياتنا الوان
اشعلي حياتنا نهضة
عطري جوانا ازهار
انشري شمسك ونورك
اشرقي علي الاجيال
اشرقي نورك بقوة
حطمي غروب ظلام
يا شمس الحرية طلي
طلي بيوم جديد
كفاية ظلام وغربه
كفايه غربة وتغريب
غروبك يا شمس عنا
دفنا كلنا ميتين
دمر اجيال كتيره
دفنا كلنا في الطين
كلنا امراض خطيرة
كلنا من بعض فاشلين
اشرقي يا شمس الصحة
اقتلي كل الامراض
طهري ضمير شعوبنا
طهري كل الاجساد
اشرقي يا شمس بلادي
إزرعي اجمل ثمار
اشرقي فوق المصانع
شغلي كل العمال
اشرقي فوق في العالي
افرحي قلبنا تعبان
تعالي يا شمس الدنيا
نكتب اجمل اشعار
نكتب كلنا مع بعض
نغني باجمل الحان
يلا يا شمس الغد
نحقق اجمل احلام
جرجس فاروق
2014 / 2 / 19
قصيده إكتئاب غريب
عايز اغيب زي الشمس
واسافر بعيد
واختفي عن الانظار
واصبح وحيد
وانسي ظلم البشر
وانسي النفاق
عايز اسافر في السماء
فوق السحاب
واختفي زي النجوم
في عز النهار
اوصل لمكان مجهول
خارج الكون
واسكن في كوكب
لا يعرفه انسان
ولا يسمع عنه انس ولا جان
ولا ليه وصف عند البشر
ولا عنوان
نفسي انسي الماضي
في زمني الكئيب
واشطب من ذكرياتي
كل ماضي اليم
وانسي شرور البشر
والانسان الغريب
عايز اكون لوحدي
لا يوجد معي انسان
ولا اشوفه في منام
ولا في خيال
واسيب كل الحبايب
وانسي الخلان
واعيش وحدي وحيد
وانسي الاوهام
نفسي اكون ماء
في موج بحار
او نقط مطر تنزل
في اي انهار
او موجه علي شط
تشفطني رمال
واسافر في الارض
انزل لبركان
اتحول بخار صاعد
اسيب العنوان
انسي شهوري وسنيني
وعمري اللي كان
اودع الكرة الارضية
وانسي الانسان
نفسي انسي الظلم
اللي شفته زمان
وانسي كل الخناجر
من اقرب انسان
و خيانه الاحباء
من اقرب ايام
نفسي انسي العالم
والنار اللي فيه
وحروب البشر
والظلم اللي فيه
والقوانين الانسانية
والوهم اللي فيه
والمحاكم العرفيه
والغدر اللي فيه
وعصر الجاهلية
والسماحة الدينية
نفسي اموت لوحدي
مايكونشي لي خلود
ولا فردوس ولا نار
ولا معي احد موجود
واذوب في نسيان ابدي
ميكونش لي وجود
عايز اموت غريب
ميكونش لي اربعين
ولا سابع ولا تالت
ولا جماعة معزين
لا اريد احد يبكي
من الناس المنافقين
في حياتي وانا معاهم
طعنوني بسكاكين
وانا ميت بعيد عنهم
يمثلوا زعلانين
نفسي انام واصحى
اتخلص من الوجود
اصبح بعيد عنهم
ارتاح من الشرور
اكيد بدون تردد
مع البشر لا اريد الوجود
قصيدة وطن
مكتوبه بالدماء
سطرها الغدر
وقفياتها الغباء
نظمها الإرهاب
بقتل الابرياء
إرهاب الوطن
مكر ودهاء
فجروا الناس
قطع اشلاء
دفنوا الجمال
لعنوا السماء
طفوا الشمس
نشروا الظلام
سرقوا الشعب
موتو الانتماء
خانوا البلد
نشروا الوباء
جابوا الفقر
خلفوا الغباء
مات الوطن
في الفقر والعناء
مخطط دولي
وناس جهلاء
إرهاب مسلح
وناس ابرياء
مين الخائن؟
ومين الجبان؟
ثقافتنا هي .....
سبب الإرهاب
كلنا بنرعي
بفكرنا إرهاب
فرض القيم
في بلادنا إرهاب
عادات وتقاليد
في بلادنا إرهاب
تدخل في شئون
في بلادنا إرهاب
فرض النصيحة
في بلادنا إرهاب
نشر الاشاعات
في بلادنا إرهاب
تغيب الشعوب
في بلادنا إرهاب
عدم الادراك
في بلادنا إرهاب
تكفير الاخر
في بلادنا إرهاب
تخلف ورجعية
في بلادنا إرهاب
تعليمنا كله .....
إرهاب في إرهاب
قمع المرأة
اكبر إرهاب
اطفال الشوارع
اكبر إرهاب
البطاله في بلادنا
اكبر إرهاب
غلو الاسعار
اكبر إرهاب
قمع الحريات
اكبر إرهاب
الفساد السياسي
اكبر إرهاب
الفساد الاداري
اكبر إرهاب
الإرهاب لا بندقية
وسلاح ورشاش
ولا اربجية
وصاروخ قارات
ثقافنتا هي
سلاح فتاك
إرهاب غني
و إرهاب شحات
إرهاب رجعي
و إرهاب كداب
إرهاب مثقف
و إرهاب في كتاب
إرهاب منافق
و إرهاب نصاب
فكرنا محتار
شعبنا في عذاب
كلنا تايهين
كلنا في متاهات
العالم ماشي
بسرعة صاروخ
واحنا وقفين
خلف إرهاب
العالم شايفنه
بقمر صناعي
واحنا بنراقب
اكرة باب
احنا ساجنين
تقدمنا في سجن
تخلفا اليوم
اعظم الإرهاب
سمعتنا اليوم
في العالم تخوف
احذروا كل
ما هو إرهاب
الاخ يذبح
اخوه ويصلي
ويقول الذبح
من عند الاله
قلوب ماتت
فيها الرحمة
لايوجد حب
ولا سماح
ربنا اكيد
علينا غاضب
نتيجة عملنا
سببت الدمار
شيطان زرع
فكر إرهابي
واحنا بنجني
كل خراب
العالم زمنه
لا زمن ارهابي
العالم زمنه
زمن صناع
ديوان وطني
في التاريخ يكتب
كل قصايده
قطع رقاب
ديوان اليم
بالدم تسطر
كل سطوره
شطر إرهاب
ديوان مجرم
تخلف رجعي
كل صفحاته
ثقافة إرهاب
احنا تصرفاتنا
ثقافة رجعية
معروف همجيتنا
في الافعال
مفيش امل في
العالم ننجح
اللي بالقضا
علي كل إرهاب
جرجس فاروق
الحب والرحمة يوجد فى العالم شعوب كتير ملحدة ورغم ذالك الحب موجود والرحمة بينهم فتجدهم اكثر تقدم في كل شئ...... ويوجد في العالم شعوب كتير مؤمنة ورغم ذالك ..الكره والقسوة في قلوبهم فتجدهم اكتر شعوب العالم تخلف ورجعية .. الحب والرحمة يا صديقي هو السر الوحيد في تقدم الشعوب جرجس فاروق بهنان الخميس، 22 أغسطس، 2013
