قصيده التاريخ يعيد نفسه
الحكاية حكاية جدي
من بلده مجروح
يحكي وينوح جدي
من الحاكم مذبوح
جدي حكايه في فكري
بتجي لي وتروح
جدي عكازه محني
حامل عظم بروح
جدي كان بيحكي
والموت منه يفوح
جدي يحكي يبكي
وش جدي عشوش
جدي من الوطن يشكي
جسم جدي مرعوش
الحكايه حكاية جدي
اللى ابنه مات مرشوش
جدي في الكلام بيهدي
والفرح مني يروح
قالو لجدي ابنك الشهيد
وقالو لجدي
مغشوش
جدي يبكي يا ولدي
فينك وحشتك القلوب
مش عشان خاطر بلدي
ضحوا بأغلي محبوب
مات ابني حبيبي
ختفي من كل الوجود
كنت امير في وطني
ايام الملك فاروق
مصر والسودان بلدي
كانت قبل العروب
سمعوني اغاني وطني
ورفعو رايات حروب
كتب التاريخ
سجل
اصل القرار مغلوط
راحت الأمة تحارب
مات الجيش محروق
خسرنا خريطه بلادنا
بعد الملك فاروق
مات جمال والنصر
وجدي مات مغلوب
انتهت حكايه جدي
بعد الملك فاروق
شوفتك يا وطن
في كلام جدي
وعرفتك يا وطن
في الشعوب
شهيدك يا وطن
خراب لجدي
وشوفتك يا وطن
في الغروب
اتاريك يا وطن
قاتل اهلي
اتاريك ياوطن
معيوب
اكتوبر حرب من الجنة
دخلنا في متاهات
حررنا الارض المحتلة
رجعنا رافعين ريات
سبنا جثث أولادنا
داست عليها حيات
قبر الجندي في بلادنا
لايوجد فيه احباب
يا وطن قاتل شعبك
ماكان ليك اعداء
كل أمهات دفاعك
لوحت بأكفان شهداء
يا وطن جاهل حكمة
يا وطن عديم الفكر
من سبعين سنه واحنا
كنا عيشين في حرير
كتبت يا وطن تغني
عيشتنا في موويل
كفاية ياوطن مغنى
كرهتنا التلحين
سرحت بشعب تغني
وتقول اجيال
في الطريق اجيال جاية
وهنرفع بنيان
تغني وتهتف بمشاريعك
ارض السحره بستان
الجيل مات والشعب انتهي
وطريق توهان
يا وطن إقرأ تاريخك
وشوف مين غلطان
رئيس نكسه ورئيس نصر
وفي التاريخ يغتال
ثورة تروح وثورة تيجي
والشعب خسران
قزمت شعبك بجهلك
كل الوطن متهان
بما فيهم عايش وميت
جدي في التربة تعبان
يا وطن شعبك محتل
تحت شعار بهتان
ظلمك خلف ميزانك
إله العدل سهران
قانونك مع الراشي ميت
ميزانك للقوي عطلان
تشرح وتقول قوانينك
من بوق ملتف ثعبان
تحكم علي مظلوم سجنك
وعلي المجرم خرسان
نعشك في ارضك بتهلك
ربك اكيد ديان
يا وطن نهضتك قانونك
مش مظلوم وسجان
يا وطن مفيش انتماء
طالما شعبك متهان
يا وطن فاقد الذاكره
طالما شعبك عيان
يا وطن عندك غيبوبة
طالما شعبك جعان
يا وطن قوتك في فكرك
مش حضارتك تمثال
العالم بيضحك عليك
فكرك خالي عريان
لايوجد بحث تعليمي
ازاي تطلع طيران
شوف الدول بتتقدم
واطلع بينا للامام
ابني عقول جيل ابنائك
وتتقدم بنا لقدام
صرف صحي فضلاتك
ليه تخطيط رسم بيان
شهاده تعليم فكر ولادك
في الخارج تمسح حمام
ماتقولش زويل ومجدي يعقوب
لو في مصر لم يكونوا عالمان
جرجس فاروق بهنان
15 /11/2012
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.